Azərbaycana Dövlət Yol Polisi üçün yeni avtomobillər – Koreya istehsalı olan KİA Sorento markalı avtomobillər gətirilib.
Lent.az-ın məlumatına görə, Daxili İşlər Nazirliyinin Baş Dövlət Yol Polisi İdarəsinin İctimaiyyətlə əlaqələr şöbəsinin rəhbəri, polis polkovnik-leytenantı Kamran Əliyev bildirib ki, yeni avtomobillər əsasən yol polisinin regional bölmələri arasında paylanılacaq. “Avtomobillərdə cərimələrin yerində ödənilməsi üçün POS-terminallar və elektron məlumat bazalı kompyuterlər yerləşdiriləcək” – deyə, o qeyd edib.
Gətirilmiş avtomobillərin sayı barədə sualı cavablandıran K.Əliyev bildirib ki, bu informasiya hələ açıqlanmır.
