Qadın kişini öldürəcəyi ilə hədələyərək, daha sonra arxadan ona 2 dəfə atəş açıb
Bərdədə silahlı insident yaşanıb.
ANS PRESS-in bölgə müxbirinin verdiyi məlumata görə, rayonun Darğalar kəndində Tahirə Əzizova həmkəndlisi Əvəz Rüstəmova odlu silahdan atəş açıb. Boyun nahiyəsindən yaralanan Əvəz Rüstəmov Bərdə mərkəzi rayon xəstəxanasına çatdırılıb.
Yaralının özünün dediyinə görə qarşısını kəsən Tahirə onu öldürəcəyi ilə hədələyib, daha sonra arxadan ona 2 dəfə atəş açıb.
Yaralının yaxınlarının sözləri Tahirə Əzizova polis tərəfindən saxlanılıb. Hazırda Bərdə rayon prokurorluğunun əməkdaşları hadisə yerində araşdırma aparır.
