Azərbaycanda temperatur "-16" dərəcəyə düşdü, 64 sm qar yağdı

Azərbaycanda temperatur "-16" dərəcəyə düşdü, 64 sm qar yağdı
Bütün Xəbərlər
11:43 26.01.2016
1469
AZXEBER.COM bildirir ki, Quba Regional Hidrometeorologiya Müəssisəsindən APA-ya verilən məlumata görə, dağətəyi ərazilərdə temperatur mənfi 3 dərəcə, qarın hündürlüyü isə 1-15 santimetrdir.
Dağlıq ərazilərdə isə qarın hündürlüyü 35-46 sm, temperatur isə mənfi 16 dərəcəyədək enib. Ən aşağı temperatur və ən çox qar Quba rayonunun Qırız və Xınalıq kəndlərindədir.
Ötən gün Bakıya düşən yağıntnın miqdarı 14 mm-dək olub.
Ekologiya və Təbii Sərvətlər Nazirliyindən  verilən məlumata görə, əvvəlcədən xəbər verildiyi kimi, yanvarın 26-sı səhərədək ölkə ərazisində kəskin hava şəraiti davam edib, yağış, sulu qar, qar yağıb, bəzi yerlərdə intensiv olub.
Düşən yağıntının miqdarı Bakıda və Abşeron yarımadasında 1-14, Böyük Qafqazda 5-45, Lənkəran-Astara zonasında 2-27, Mərkəzi-Aran rayonlarında 2-20, Kiçik Qafqazda 4-11, Qazax-Gəncə zonasında 1-8, Naxçıvan MR-da 4-7 mm olub.
Qar örtüyünün hündürlüyü Sarıbaşda (Qax) 64, Şəki, Ağdərədə (Ordubad) 45, Qaxbaşda 40, Sinçay, Kişçay (Şəki) 38, Zaqatalada 37, Qəbələdə 36, Oğuzda 32, Balakəndə 31, Altıağacda 26, Kirən, Gədəbəydə 22, Şamaxıda 19, İsmayıllıda 18, Yardımlıda 17, Şahbuzda 16, Xınalıq, Qubada 15, Qubanın dağlıq ərazilərində 35-46, dağətəyi rayonlarında 3-26, Ağsu, Daşkəsəndə 13, Göyçayda 11, Lerik, Ordubadda 10, Rvarudda 8, İmişlidə 7, Şərur, Naxçıvan, Kəlvəz, Göygöldə 6, Mərəzədə 5, Tovuz, Zərdabda 4, Maştağa, Cəfərxan, Qazıməmməd, Biləsuvar, Lənkəranda 3, Xaçmaz, Göytəpə, Nabran, Bakıda 2, Binədə 1, Şabranda 0.3 sm olub.
Şimal-qərb küləyi bəzi yerlərdə güclənib.
OXŞAR XƏBƏRLƏR