Bakıda dəhşətli qətl törədilib. Bu barədə Xətai Rayon Polis İdarəsindən bildirilib.
Məlumata görə, rayon polis idarəsi və rayon prokurorluğunun əməkdaşlarının həyata keçirdiyi əməliyyat tədbirləri nəticəsində aprelin 15-dən itkin düşmüş kimi qeydiyyata alınan, 1972-ci il təvəllüdlü Bəsti Paşa qızı Mirzəyevanın qətlə yetirildiyi məlum olub.
Araşdırmalarla müəyyən edilib ki, B. Mirzəyeva qeyri-rəsmi nikahda yaşadığı, 1988-ci il təvəllüdlü Sübhan Məmmədov tərəfindən boğularaq öldürülüb.
S. Məmmədov ilkin ifadəsində B. Mirzəyevanın özünü asdığını bildirsə də, daha sonra törətdiyi cinayət əməlini etiraf edib.
Faktla bağlı cinayət işi başlanıb, istintaq gedir.//APA
