Bu ilin ilk yarısında Azərbaycanda 623,9 ton tütün yarpağı toplanıb.
AZXEBER.COM Dövlət Statistika Komitəsinin açıqladığı məlumatlara istinadən xəbər verir ki, ötən ilin eyni dövrü ilə müqayisədə tütün istehsalı 3,8 faiz və ya 24,6 ton azalıb. Belə ki, 2025-ci ilin yanvar-iyun aylarında ölkə üzrə 648,5 ton tütün yarpağı yığılmışdı.
Qeyd edək ki, bu il tütün Balakən, Şəki və Zaqatala rayonlarında, eləcə də məhdud sahələrdə Qax, Oğuz, Goranboy, Masallı və Kəngərli rayonlarında əkilib. Ümumi əkin sahəsi 3 066 hektar təşkil edib.
Toplanan məhsulun əsas hissəsi Şəki rayonunun payına düşüb. Belə ki, rayonda 576,5 ton tütün yarpağı yığılıb. Balakəndə bu göstərici 24,6 ton, Zaqatalada isə 22,8 ton olub.
Statistikadan görünür ki, ötən illə müqayisədə Balakəndə tütün istehsalı kəskin azalıb. Belə ki, ötən ilin ilk yarısında rayonda 61 ton tütün toplandığı halda, bu ilin eyni dövründə göstərici 24,6 tona enib. Buna baxmayaraq, Şəki və Zaqatala rayonlarında istehsalda cüzi artım qeydə alınıb.
Fəridə Əsədzadə
