APA-nın məlumatına görə, hadisə dünən saat 20.30 radələrində Hacıqabul-Bəhrəmtəpə avtomobil yolunun Sabirabad rayonunun Şəhriyar kəndi ərazisində baş verib.
Həmin ərazidə yol tikinti işlərini aparan “Kolin” şirkətində podratçı təşkilat olan “Mentrans” şirkətinə məxsus 15 tonluq “HOWO” markalı yük avtomaşını Sabir adına kanala aşıb.
Şahidlərin bildirdiklərinə görə, hadisəyə səbəb yük avtomobilinin körpüyə yaxınlaşarkən qəfildən qarşısına “Mersedes” markalı minik avtomobilinin çıxması olub. Sürücü özünü son anda xilas edə bilib. Faktla bağlı araşdırma aparılır.
