Xəbər verdiyimiz kimi, ötən gün paylaşdığı postla böyük səs-küyə səbəb olan müğənni Nahidə Babaşlı "İnstagram" profilində dəyişiklik edib.
AZXEBER.COM xəbər verir ki, iti Köpük öldükdən sonra post paylaşaraq Azərbaycanı tərk edəcəyini açıqlayan gənc müğənni sosial şəbəkə istifadəçiləri tərəfindən tənqid edilib. O, bunun ardından "İnstagram" profilində dəyişiklik edərək bütün əlaqə kontaklarını silib.
Onun hansı səbəbdən bunu etməsi məlum deyil.
Qeyd edək ki, sevilən müğənni iti öldükdən sonra profilində qəzəbli paylaşım etmişdi: "Qəza Bakıda oldu, maşın vurdu və qaçdı. Hələ də hadisənin şokundayam. Bilet aldım, bir neçə saat sonra bu ölkədən gedirəm. Ümidim bir də qayıtmamaqdır. Alın mədəniyyətinizi də, mentalitetinizi də, sevginizi də, hörmətinizi də başınıza çırpın!”.
O bu paylaşımı da daha sonra səhifəsindən silmişdi.
