Azərbaycanın namizədi BMT-nin İnsan Hüquqları Komitəsinin üzvlüyünə seçilib
SİYASƏT
21:12 15.06.2026
168
AZXEBER.COM xəbər verir ki, bu barədə Xarici İşlər Nazirliyi (XİN) məlumat yayıb.
Qeyd olunub ki, ciddi beynəlxalq rəqabət şəraitində baş tutmuş seçkidə Azərbaycanla birgə 16 ölkədən olan namizədlər komitədə mövcud doqquz vakant yer uğrunda mübarizə aparıblar. Azərbaycan tərəfindən namizədliyi irəli sürülmüş Cenevrə Beynəlxalq Münasibətlər İnstitutunun beynəlxalq hüquq professoru Fuad Zərbiyev səsvermənin ilk mərhələsində ən yüksək səs toplayaraq, 131 iştirakçı dövlətin dəstəyini qazanıb və komitəyə üzv seçilib.
Qeyd edək ki, BMT-nin İnsan Hüquqları Komitəsi 1966-cı il Mülki və Siyasi Hüquqlar haqqında Beynəlxalq Paktın icrasına nəzarət edən qurumdur. Komitə 18 müstəqil ekspertdən ibarət olmaqla, Pakta tərəf dövlətlərin öhdəliklərinin yerinə yetirilməsini nəzərdən keçirir və beynəlxalq insan hüquqlarının inkişafında mühüm rol oynayır.
OXŞAR XƏBƏRLƏR
