Birləşmiş Ərəb Əmirliklərinin (BƏƏ) xarici işlər naziri Abdullah bin Zayed Əl Nahyan Azərbaycanın xarici işlər naziri Elmar Məmmədyarovu Əbu Dabidə keçiriləcək üçüncü Sir Bani Yas Forumunda iştirak etməyə dəvət edib.Xarici İşlər Nazirliyinin (XİN) mətbuat xidmətindən verilən məlumata görə, E. Məmmədyarovun BƏƏ XİN-in təşkilatçılığı ilə keçiriləcək üçüncü Sir Bani Yas Forumunda iştirak etmək məqsədilə bu bu ölkəyə səfəri başlayır.Orta Şərqdə sülh və təhlükəsizlik mövzusuna həsr olunmuş Forumda dünyanın bir sıra ölkələrinin sabiq və hazırkı xarici işlər nazirləri, nüfuzlu ictimai-siyasi xadimlər və elm adamları iştirak edəcəklər.
//APA
