Azərbaycanlı gənclərin musiqi layihəsi Türkiyədə maraqla qarşılandı - VİDEO

GƏNCLİK
22:26 13.10.2021
408
Qardaş ölkədə yaşayan bir qrup soydaşımıza məxsus olan "Gözümde yaşla” layihəsi Türkiyənin musiqi sektoruna uğurla daxil olub. 

AZXEBER.COM xəbər verir ki, səhnə adı Lalusi olan Lalə Tağızadənin səsləndirdiyi mahnının bəstəsi Günel Nasirovaya, sözləri isə Asiman Abdusalamova məxsusdur.

Musiqi əsərinin aranjemanı Türkiyənin musiqi aləmində yetərincə tanınan Bahadır Tanrıvermişə, Mix-Masteringi isə Sezen Aksu, Sıla və Kenan Doğulu kimi məşhur sənətçilərlə çalışan Arzu Alsana aiddir.

"Gözümdə yaşla” mahnısı üçün kamera qarşısına keçən Lalusi onun klip versiyasını da tamaşaçılarına ərməğan edib.

Klipin rejissorluğunu isə daha bir həmyerlimiz Bəxtiyar Ələkbərov öz üzərinə götürüb.

Qeyd edək ki, Lalusinin "Gözümde yaşla" mahnısı artıq Türkiyənin bir neçə radiosunda səslənir.
 
 

 

 



OXŞAR XƏBƏRLƏR