31 dekabr Dünya Azərbaycanlılarının Həmrəylik günü ərəfəsində azərbaycanlı hakerlər erməni saytını dağıblar. AZXEBER.COM-un məlumatına görə, hücumu bu günə qədər yüzdən çox erməni saytı qıran "Azərbaycan Kiber Ordusu" təşkil edib. Onlar bu dəfə ermənilərin Bakı haqda yaratdığı www.baku.am saytını dağıdıb, saytın ana səhifəsi Xocalı soyqırımı ilə bağlı məlumat yerləşdirib.
Həmçinin azərbaycanlı hakerlər saytda Türkiyəyə dəstək mesajı da yayımlayıblar: "Türkiyə biz səninləyik. Fransanı ATƏT həmsədrlər grupundan qovmağı tələb edirik". Qeyd edək ki, "Azərbaycan Kiber Ordusu"nun səhifəsini "facebook" sosial şəbəkəsində 3 mindən çox insan bəyənir. Hakerlər bu günə qədər 100-dən çox erməni saytını dağıdıblar.Xatırladaq ki, 1 neçə ay öncə yaradılan “Baku.am” saytının məqsədi Azərbaycan paytaxtı Bakının erməni icmasının keçmişini aydınlaşdırmaq və gənclərə təqdim etmək idi. Amma azərbaycanlı hakerlər ermənilərin bu arzusunu da gözündə qoyub.
AZXEBER.COM portalı baku.am saytının hücumdan sonrakı fotosunu təqdim edir.
