Azərbaycanlı model Səmra sosial şəbəkə paylaşımları ilə diqqət mərkəzindədir.
Model yataqda çəkilən çılpaq fotosu ilə gündəm olub. Qalmaqallı fotonu şəxsi Instagram hesabında paylaşan model fotoya şərh olaraq "gecəniz xeyirə" yazıb.
Foto ilə bağlı Milli.Az-a açıqlama verən model şərhlərdə onu qınayanlara etirazını bildirib.
"Bizim millət Emrata, Barbara Palvin, Gigi Hadid, Kendall Jenner və başqa xarici modellərin şəkillərinə "super", "əla" kimi şərhlər yazır, amma, mən səhnədən şəkil paylaşanda və ya hər hansı açıq fotosessiya edəndə məni təhqir edirlər, nalayiq sözlər yazırlar. İyrənc rəyləri yazanlar görəsən nə əldə edir? Maraqlıdır ki, bir insanı təhqir etməklə nə qazanır? Mən kimisə təhqir edəndə Allahdan yüz dəfə tövbə diləyirəm ki, bağışlasın.
Səhifəm "Biabır olasan", "Sən kimə lazımsan" və başqa mənfi yüklü şərhlərlə doludur. Deyirlər "soyunub, özünü reklam edirsən". Mənim reklama ehtiyacım yoxdur. Bizim camaat "art"dan xəbərsizdir. "Art" gözəlliyi nümayiş etdirməkdir. Mən də özümü model kimi reklam edirəm, işlərimi izləyicilərimlə bölüşürəm".
