Azərbaycanlı müğənninin gözəlliyindən kim istifadə edir?
MAQAZİN
16:48 13.08.2012
3751
Gənc müğənninin adına ləkə salmaq istədilər. AZXEBER.COM xəbər verir ki, “Yeni Ulduz” müsabiqəsinin məzunu, gənc müğənni Çinarə Bəkirova təxribatla üzləşib. Sən demə, sosial şəbəkələrdə onun adından açılan profillər əməlli-başlı qalmaqallara səbəb olub. “Mən “odnoklassniki” şəbəkəsində yoxam, mənim adıma olan profillər mənə aid deyil. Bu səbəbdən də mənim adımdan dostlarıma və tanımadığım adamlara edilən təhqirlərdən də bixəbərəm. Hansısa əclaf məni bütün insanlarla dalaşdırır, onlara nalayıq küçə söyüşləri yazır. Bir daha deyirəm, bu, mən deyiləm!” – deyə, Çinarə hirsini gizlətmədi.Bu günlərdə isə Çinarəni müğənni Pişik Günellə də üz-üzə qoyublar. “Bu həmin şəxs kimdirsə, indi də Günelin adına profil açıb. Və bu dəfə təhqirlər mənim özümə ünvanlanıb. Araşdırma aparıb müəyyən etdik ki, Günel də bu işdən xəbərsizdir, onun da bu şəbəkədə qeydiyyatı yoxdur” – deyərək, Çinarə narazılıq etdi.Çinarə Bəkirova məsələ ilə bağlı hüquq mühafizə orqanlarına müraciət etdiyini də bildirdi:“Artıq ərizə yazmışam və bu şəxsin kimliyinin müəyyən olunmasında çox maraqlıyam. Çünki belə rüsvayçılığa göz yummaq olmaz!” – dedi.
