Yasamal rayonundakı 117 saylı uşaq bağçasında dəhşətli hadisə baş verb.
Milli.Az vesti.az-a istinadən bildirir ki, ötən gün 2 yaşlı Səadət İsmayılova tərbiyəçi Püstə Babayeva və dayə Fira Əliyevanın məsuliyyətsizliyi ucbatından xəsarət alıb. Bu barədə uşağın anası Şəfiqə Əfəndiyeva məlumat verib.
"Ötən gün yoldaşım uşağı bağçadan götürəndə dəhşətə gəlib. Səadət gömgöy və dişlək içində idi", - uşağın anası bildirib.
Tərbiyəçi bildirib ki, Səadəti qrupda olan Murad adlı uşaq itələyib və dişləyib. Həmin vaxt isə nə tərbiyəçi, nə də dayə orada olub.
İndi uşağın teleaparıcı olan anası tərbiyəçi və dayəni məsuliyyətsizliyə görə məhkəməyə verməyi planlaşdırır.
