Xəbər verdiyimiz kimi, ssenari müəllifi Gani Müjden olan və 2 ildir ATV-də yayımlanan komediya serialı “Yaxşı Cazibə” hər kəsi təəccübləndirən bir finalla yayımına son qoyub.
Serial boyu mələk kimi müsbət obrazı canlandıran azərbaycanlı Cazibə birdən-birə şeytana dönüb və kişiləri dolandıran bir qadına çevrilib. Finalın belə olması hər kəsi şoka salıb və hamı bu hərəkətə görə ssenarist Gani Müjdeni günahlandırıb.
AZXEBER.COM-un məlumatına görə, ssenarist artan tənqidlərdən sonra şəxsi "tvitter" səhifəsində məsələyə münasibət bildirib. O ittihamları yersiz adlandırıb: “Finalda azəri qadınlarının təhqir olunduğunu deyən dostlar, serialın 92-ci bölümündə yerdən yerə vurduğum Simgə də türk vətəndaşı idi. Yersiz ittiham etməyin”.
