Hazırda məsələ Prezident Administrasiyasında öyrənilir, müvafiq qurumlar tərəfindən qiymətləndirilir
Azərbaycanlıların soyqırımına həsr olunmuş ümumi abidə kompleksinin və ya muzeyin yaradılması ilə bağlı təşəbbüs var. Bu, hazırda Prezident Administrasiyasında öyrənilir, müvafiq qurumlar tərəfindən qiymətləndirilir. Bu sözləri martın 29-da Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənov deyib. Əli Həsənov soyqırımına aid abidə kompleksinin və ya muzeyinin harada yaradılacağı və bununla bağlı müsabiqənin elan edilməsi məsələlərinin müzakirə olunduğunu bildirib. Məsələ ilə bağlı hələlik qərarın verilmədiyini deyən şöbə müdiri vurğulayıb ki, milli yaddaşın formalaşdırılması, tarixi keçmiş, bu gün və gələcək arasında əlaqə yaratmaq, bu soyqırımı haqqında ictimai fikrin formalaşması üçün belə bir abidə kompleksinin və ya muzeyin yaradılması vacibdir.
