Azercell abunəçilərinə yeni xidmət istifadəyə verib.
Qrup SMS xidməti ilə indi bir neçə azercell-li eyni vaxtda bir-biri ilə SMS-ləşə bilir. Yeni xidmət tələbələr, iş adamları və ya sadəcə ortaq maraqlı dostlar üçün nəzərdə tutulub. Qrup SMS-in başqa qrup-çat proqramlarından üstünlüyü onun internetə və telefon markasına bağlı olmamasıdır. Hətta ən köhnə telefon modelləri ilə də sms-ləşmək mümkün olduğundan, smartfon sahiblərinin söhbətindən adi telefonlu dostları, işçiləri kənar qalmayacaq. Eyni vaxtda 11 (hələlik) nəfərin söhbətə qoşulmasına şərait yaradan Qrup-SMS xidməti ilə bir neçə nəfərə eyni vaxtda xəbərdarlıqlar göndərmək, müzakirələr aparmaq mümkündür. Xidmətin daha bir üstünlüyü isə qiymətidir. Qrup daxilində 1 sms-in qiyməti adi sms-in qiymətindən 3 dəfə aşağıdır.
Dünyada ilk SMS-çat xidməti olan Qrup SMS və ondan istifadə qaydaları haqda https://qrupsms.az/ saytında geniş məlumat verilib.
