“Azərspace-1” peyki vasitəsilə yayımlanan kanalların sayının artırılması və rəngarəngliyinin genişləndirilməsi davam edir.
AZXEBER.COM-un ictnews.az-a istinadən verdiyi xəbərə görə, cari ilin 6 iyul tarixindən etibarən “Azərspace-1” peykindən ayrı-ayrı ölkələrin ingilis, rus və türkdilli olmaqla 30-dan çox beynəlxalq və regional televiziya kanallarının yayımına başlanılıb.Yeni kanalların qəbul tezliyi – 11094 MHs, horizontal polyarizasiya, S/R-27500 Mb/svə11135MHs, horizontal polyarizasiya, S/R-27500 Mb/s-dir. Kanalların seçimində dil, yaş, janr qrupları və tamaşaçı kütlələrinin başlıca maraq dairələri nəzərə alınıb.Artıq 1 aydan çoxdur ki, “Azərspace-1” peykindən Azərbaycan paketinə daxil olan televiziya və radio kanalları (AzTV, İdman Azərbaycan TV, Mədəniyyət TV, İctimai TV, CBC Azerbaijan, Xəzər TV və Azad Azərbaycan TV) və bır sıra farsdilli kanallar da yayımlanır.
Hazırda, ümumilikdə “Azərspace-1” peykindən yayımlanan kanalların sayı 50-yə çatıb və yayımlanan televiziya və radio kanallarının sayının mərhələli şəkildə daha da artırılması nəzərdə tutulur.“Azərspace-1” peyki 2013-cü ilin fevral ayında 46 dərəcə şərq uzunluğundakı orbitə çıxarılmış və cari ilin may ayından etibarən kommersiya fəaliyyətinə başlayıb.
“Azərspace-1” peykinin əhatə zonasına Avropa, Afrika, Qafqaz regionu, Yaxın Şərq və Mərkəzi Asiya regionları daxildir və peyk “Azərkosmos” ASC tərəfindən ən yüksək beynəlxalq tələblərə cavab verən yerüstü peyk idarəetmə mərkəzlərindən dayanıqlı və fasiləsiz idarə edilir.
