30 Sentyabr 2011-ci il tarixində “İRƏLİ” Gənclik Mərkəzində “İRƏLİ” İctimai Birliyi və “Dünyaya Baxış” Beynəlxalq təşkilatının birgə layihəsi olan “De-institusionalizasiya sahəsində əldə edilmiş nailiyyətlər və mövcud çətinliklər” mövzusunda dəyirmi masa keçirilib.
AZXEBER.COM-un məlumatına görə, tədbirdə “İRƏLİ” İctimai Birliyinin baş katibi Rauf Mərdiyev, “De-institusionalizasiya” layihəsinin “İRƏLİ” üzrə koordinatoru Sevinc Əliyeva, “Dünyaya Baxış” beynəlxalq təşkilatının Uşaq müdafiəsi üzrə layihə rəhbəri Nailə Mustafayeva, “Azərbaycana Birgə Yardım“ (UAFA) təşkilatının meneceri Züleyxa Nəcəfova, media nümayəndələri və “De-institusionalizasiya” mövzusunda elan edilmiş müsabiqənin iştirakçıları yer alıb.
Tədbirdə “İrəli” İctimai Birliyi və “Dünyaya Baxış” Beynəlxalq təşkilatının həyata keçirdiyi “De-institusionalizasiya ilə bağlı ictimai məlumatlılığın artırılması” layihəsi çərçivəsində görülmüş işlər, hazırlanmış materiallar qonaqlara təqdim olunmuş, eyni zamanda “De-institusionalizasiya” mövzusunda çəkilmiş film və video çarx tədbir iştirakçılarına nümayiş olunmuşdur.Tədbir zamanı həmçinin “İRƏLİ” İctimai Birliyi və “Dünyaya Baxış” Beynəlxalq təşkilatının 27 Avqust 2011-ci il tarixində “De-institusionalizasiya” mövzusunda elan etdiyi müsabiqənin nəticələri də açıqlanmışdır.Müsabiqəyə təqdim olunmuş materiallar “İRƏLİ” İctimai Birliyində yaradılmış münsiflər heyəti tərəfindən qiymətləndirilib, nominasiyalar üzrə 1-ci yerin qaliblərinə şəhadətnamə və pul mükafatı təqdim olunub.Müsabiqə “De-institusionalizasiya ilə bağlı ictimai məlumatlılığın artırılması” layihəsi çərçivəsində həyata keçirilirmişdir. Müsabiqə üçün hazırlanan materiallar “De-institusionalizasiya nədir və nə üçün lazımdır?”, “De-institusionalizasiya və alternativ qayğı sahəsində görülən işlər, mövcud problemlər və onların həll yolları” , “Müəssisədə yaşayan uşaqların ailələrə verilməsi və alternativ qayğıya cəlb edilməsi” kimi məsələləri əhatə etmişdir.Müsabiqənin nominasiyalarını və qaliblərini nəzərinizə çatdırırıq:1) Ən yaxşı TV xəbəri – Rüstəm İbadov ( Xəzər TV )2) Ən yaxşı radio proqramı – Jalə Güləhmədzadə (“İRƏLİ” Radio )3) Ən yaxşı qəzet məqaləsi - Ramil Vəlibəyov ( Yeni Azərbaycan qəzeti )4) Ən yaxşı elektron xəbər – Hacıbəy Heydərli ( azxeber.com )5) Ən yaxşı jurnal məqaləsi – Nigar Əliyeva 6) Ən yaxşı bloq yazısı – Samira Həşimzadə7) Ən yaxşı sosial şəbəkə yazısı – Pirim Pirimov8) Ən yaxşı foto – Hüseyin Məmmədov9) Ən yaxşı təqdimat – Elnur Kəlbizadə10) Ən yaxşı video çarx – Kamal Yaşar ( Kəpəz Müstəqil Teleradio Şirkəti- nin “Xüsusi Layihələr “ departamentinin müxbiri )Qeyd edək ki, müsabiqəni keçirməkdə əsas məqsəd KİV nümayəndələri, bloqqer, fotoqraf, aktiv gənclərin, eyni zamanda cəmiyyətin diqqətini bu mövzuya yönləndirərək ictimai məlumatlılığın düzgün şəkildə və qısa zamanda artırılmasıdır.
