AZXEBER.COM portalının BBC-yə istinadən verdiyi xəbərə görə,Putin bunun üçün əmək məhsuldarlığı ən azı 2 dəfə artırılmalı olduğunu söyləyib.
Vladimir Putinə görə, 2020-ci ilə adambaşına Ümumi Daxili Məhsul 35 min dolları keçməlidir, bu da Fransa və İtaliya kimi dövlətlərin hazırkı göstəricilərindən artıqdır.
Hazırda Rusiya aparıcı dünya iqtisadiyyatlarının ilk onluğundadır. Düzdür, adambaşına düşən Ümumi Daxili Məhsula görə Rusiya heçdə inkişaf etmiş ölkələr siyahısına daxil edilmir.
"Yersiz liberalizm"
Vladimir Putin deyib ki, Rusiyaya 10 il davamlı və sakit inkişaf tələb olunur.
Odur ki, baş nazirə görə, çox zaman bir tərəfdən yersiz liberalizm, başqa tərəfdən isə sosial demaqoqiqaya söykənən yaxşı düşünülməmiş təcrübələr lazım deyil.
Hökumət başçısına görə, ölkədə vətəndaş və millətlərarası dincliyi saxlanılmalıdır.
Bəzi şərhçilərə görə, hazırda Rusiyada özünəməxsus liberalizm carçısı prezident Dmitri Medvedevdir. Vladimir Putin isə, bəzilərinə görə, ənənəvi dövlətçilik xəttinin əsas tərəfdarı kimi qəbul olunur.
Düzdür, həm prezident, həm baş nazir bəyan edirlər ki, strateji məsələlərdə həmfikirdilər.
500 milyon ton neft
Vladimir Putin deyib ki, hazırda Rusiya illk göstəricidə 505 milyon neft hasil edir.
Hökumət başçısına görə, ölkə bu göstəriciyə ilk dəfədir ki çıxıb və bu səviyyədə uzun müddət qalmaq lazımdır, beləki, bu həcm həm daxili bazarın, həm də ixracın tələbatlarını təmin edir.
Neftin qiyməti qalxdıqca Rusiya öz hasilatını da artırır. Hətta Rusiyanın sovet göstəricilərinə, ildə 600-650 milyon tona çıxması planları da səsləndirilirdi.
İndi bəzi müşahidəçilərə görə, Rusiyanın təxminən 500 milyon tonnda qalmaq istəməsi hasilatın ifrat artırılmayacağından xəbər verir.
Ehtimallara görə, təxminən 500 milyon tonn artıq maksimumdur və gələcəkdə ehtiyyatları tükənən Rusiya hasilatı azalda da bilər.
