Bərdə rayonunda insanlığa sığmayan zorlama hadisəsi baş verib. Hüquq-mühafizə orqanlarından Lent.az-a verilən məlumata görə, Ağdam rayon sakini, Bərdə rayon Meşəçilik institutunun ərazisində məskunlaşmış 1990-cı il təvəllüdlü Q.T. aprelin 30-da şikayət ərizəsi ilə Bərdə rayon Polis Şöbəsinə müraciət edib.
O, müraciətində yeznəsinin qardaşı (bacısının ərinin qardaşı) Rasim Cəfərovun aprelin 29-da saat 23:30 radələrində Bərdə rayon Nazırlı kəndi ərazisində, yeznəsi Rəsulun yaşadığı evdə onunla zorla cinsi əlaqədə olduğunu bildirib.
Araşdırma aparılarkən müəyyən edilib ki, 1979-cu il təvəllüdlü Cəfərov Rasim Xansuvar oğlu 2011-ci il aprelin 29-da saat 23:30 radələrində Bərdə rayon Nazırlı kəndi ərazisində yerləşən fermada, qardaşı Rəsulun evində, bacısı Cəfərova Əfsanənin yanında qardaşının baldızı Q.T.-nı bıçaqla hədələyərək, onunla zorla cinsi əlaqədə olub.
R.Cəfərov mayın 2-də həbs olunub.
Faktla bağlı Azərbaycan Respublikası Cinayət Məcəlləsinin 149.1-ci maddəsi ilə cinayət işi başlanılıb.
Qeyd edək ki, R.Cəfərov ailəlidir, iki övladı var. O, hadisəni törədərkən sərxoş vəziyyətdə olub.
/// lent.az
