İyunun 26-da Daxili İşlər Nazirliyinin mətbuat xidmətindən “Media forum” saytına bildiriblər ki, DİN-in Baş Cinayət Axtarış İdarəsi, Bakı Şəhər Baş Polis İdarəsi və Yasamal Rayon Polis İdarəsi əməkdaşlarının həyata keçirdikləri əməliyyat-axtarış və istintaq tədbirləri nəticəsində cinayəti törətmiş şəxslərdən ikisi – Bakının Ramana qəsəbəsinin sakini, 1993-cü il təvəllüdlü Adil Hüseyn oğlu Tağızadə və Nəsimi rayon sakini, 1983-cü il təvəllüdlü Roman Musa oğlu Həsənov həbs olunublar. Adları istintaqa məlum olan digər iki nəfərin də tapılıb tutulması və məsuliyyətə cəlb edilməsi üçün tədbirlər davam etdirilir.
