AZXEBER.COM-un Xezerxeber.az-a istinadən xəbərinə görə, "Bakı Metropoliteni"nin Mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov deyir ki, hazırda Bakı Metrosu sərnişin sıxlığına görə dünyanın 200-dən çox metropoliteni arasında iki parametr üzrə ilk onluqda yer alır. Böyüyən şəhər üçün bu məsələnin həlli artıq qaçılmaz tələbə çevrilir. Onun sözlərinə görə, 2025-2030-cu illəri əhatə edən Dövlət Proqramına uyğun olaraq növbəti ildən stansiyaların tikintisinə daha intensiv başlanacaq.
Bəxtiyar Məmmədov bildirib ki, xətlər ayrıldıqdan sonra "28 May" stansiyasından yalnız "İçərişəhər" istiqamətində hərəkət edən qatarların sərnişinləri istifadə edəcək. "Dərnəgül" istiqamətinə gedən sərnişinlər isə "Cəfər Cabbarlı" stansiyasından yararlanacaqlar.
Mertopoliten rəsmisinin sözlərinə görə, bu dəyişiklik sərnişin sıxlığının azaldılmasına və hərəkətin daha rahat təşkilinə imkan verəcək. Bundan başqa, qatarlararası intervalların minimum həddə endirilməsinə şərait yaradacaq.
