Bu gün səhər saatlarında Bakı Metropoliteninin “Elmlər Akademiyası” stansiyasında sərnişinlər problemlə üzləşib. ANS -in hadisə yerində olan müxbirinin verdiyi məlumata görə, stansiyadan yuxarı qalxan eskalator xarab olub. Bununla da sərnişin sıxlığı yaranıb. Metropolitenin hərəkət xidmətinin rəisi Hidayət Məmmədov ANS PRESS-ə açıqlamasında bildirib ki, problem eskalatorun çarxının trostunda yaranıb.
