Onun qışqırtısına metro işçiləri və polislər gəlib.
Bakı metrosunda qadın ölümdən dönüb. Hadisə şahidlərinin milli.az-a verdikləri məlumata görə, bu gün səhər saatlarında metronun “Həzi Aslanov” stansiyasının eskalatoruna minmək istəyən qadın qəflətən yıxılıb. Arxası üstə yıxılan qadın eskalatorun pilləkənləri ilə aşağı yumalanıb. Qadının qışqırtısına metro işçiləri və polislər gəliblər. Eskalatordan çıxarılan qadına yardım göstərilib.
