Həmçinin bildirilib ki, qatarlardan birinin vaqonları boşaldılıb.

Məsələni dəqiqləşdirmək üçün Bakı Metropolitenin mətbuat xidmətinin rəhbəri Bəxtiyar Məmmədov ilə əlaqə saxladıq.

Qurumun sözcüsü AZXEBER.COM-a bildirib ki, qatarın boşaldılması ilə bağlı iddialar həqiqəti əks etdirmir. 

O, qeyd edib ki, xətdən diaqnostika məqsədilə ehtiyat boş qatar keçib:

"Bu gün bizim xəttimizə diaqnostika kompleksi çıxıb. Bu qatar hər ay ərzində iki dəfə xəttə buraxılır. Təbii ki, həmin qatar xətdədirsə, mütləq müəyyən sahələri yoxlaya-yoxlaya gedir və dönüş edib qayıdır. Bu, təhlükəsizlik üçündür. Bu səbəbdən hansısa stansiyadan boş qatarın keçdiyini görə bilərlər. O, ehtiyat qatardır, xəttə verilir ki, diaqnostika kompleksi rahat keçib getsin. Yəni həmin qatardan sərnişin olmayıb”.