Qatar sərnişinləri boşaldıb dalana verilməklə daha sonra depoya göndərilib.
Bakı metrosu bu gün növbəti dəfə sərnişinlərin əsəbləri ilə oynayıb. Bu gün səhər saat 08 radələrindən başlayaraq metronun “Həzi Aslanov”- “Dərnəgül” stansiyasında sərnişinlər adətən 15-20 dəqiqəyə qət etdikləri yolu 45 dəqiqəyə gediblar.
AZXEBER.COM Milli.Az-a istinadən xəbər verir ki, qatar metronun “28 May” stansiyasına qədər tuneldə və stansiyalarda ləngimələrlə hərəkət edib.
Metropolitenin mətbuat xidmətinin rəhbəri Nəsimi Paşayev bildirdi ki, bu gün saat 07:21 dəqiqədə 12 saylı marşrutun son vaqonunda nasazlıq qeydə alınıb. “Həzi Aslanov” istiqamətində hərəkətdə olan qatar “Qara Qarayev” stansiyasında sərnişinləri boşaldıb dalana verilməklə daha sonra depoya göndərilib.
Bu zaman 7 dəqiqəyə yaxın gecikmə qeydə alınıb. Bunun nəticəsi olaraq intervalın normallaşdırılması üçün bəzi xırda ləngimələr meydana gəlib.
