Hadisə yerinə xilasedicilər cəlb olunub.
Bakının Səbail rayonunda doqquzmərtəbəli yaşayış binasının liftində 4 nəfər (kişi) köməksiz vəziyyətdə qalıb.
AZXEBER.COM-un Fövqəladə Hallar Nazirliyinin mətbuat xidmətinə istinadən verdiyi məlumata görə, hadisə yerinə nazirliyin xilasediciləri gəlib. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə liftin qapılarını açıb. Vətəndaşlar liftdən çıxarılıb. Araşdırmalar zamanı məlum olub ki, lift texniki nasazlıq səbəbindən dayanıb. Əməliyyat saat 01:00 radələrində başa çatıb.
