Polis ittihamla razı deyil.
Nəsimi rayon 19-cu Polis bölməsinə yetkinlik yaşına çatmayan şəxsin zorlanmasına dair şikayət daxil olub.
AZXEBER.COM Vesti.Az-a istinadən xəbər verir ki, bu barədə Nəsimi rayon polis İdarəsində bildiriblər.
Polis İdarəsinə, 20 yanvar küçəsində yaşayan 42 yaşlı qadın şikayət edərək bildirib ki, onun 14 yaşlı qızı iki dəfə 21 və 22 avqust tarixlərində öz mənzillərində Rasim adlı şəxs tərəfindən zorlanıb. 19-cu Polis bölməsində bildiriblər ki, iş üzrə materiallar Nəsimi rayon Prokurorluğuna göndərilib.
Amma Prokurorluqda müəyyən edilib ki, heç bir zorlanma hadisəsi olmayıb. “Yetkinlik yaşına çatmayan qız cavan oğlanı evə özü gətirib və onunla könüllü şəkildə cinsi əlaqəyə girib. Bu səbəbdən də iş üzrə materiallar Nəsimi rayon Polis İdarəsinə geri qaytarılıb”, - prokurorluqda bildirilib.
Qeyd edək ki, cavan oğlan törətdiyi əmələ görə AR CM 152-ci maddəsi (16 yaşına çatmamaış şəxslə cinsi əlaqəyə girmək) ilə məsuliyyətə cəlb edilə bilər.
