Bakıda cibgirliklə məşğul olan iki nəfər saxlanılıb.
Bu barədə "Report"a Bakı Şəhər Baş Polis İdarəsinin (BŞBPİ) mətbuat xidmətindən məlumat verilib.
Belə ki, BŞBPİ Cinayət Axtarış İdarəsi əməkdaşlarının keçirdiyi əməliyyat-axtarış tədbirləri nəticəsində paytaxt ərazisində cibgirlik yolu ilə çoxsaylı oğurluq əməli törətməkdə şübhəli bilinən, əvvəllər məhkum olunan Bakı şəhər Suraxanı rayonu, Hövsan qəsəbəsi O.Şabanov küçəsində yaşayan, 1986-cı il təvəllüdlü Orlov Ruslan Konstantinoviç, həmin qəsəbənin F.Bayramov küçəsində yaşayan, 1987-ci il təvəllüdlü Paşayev Elmir Eldar oğlu tutulub. Həmin şəxslər yanvarın 1-də saat 20 radələrində 64 nömrəli xətt avtobusunda Bakı şəhəri, Suraxanı rayonu, Yeni Günəşli qəsəbə sakini Sevinc Nəcəfovanın əl çantasından içərisində 26 manat pul və bank kartlarını talayıblar. Saxlanılan zaman R.Orlovun üzərindən 3,776 qram, E.Paşayevin üzərindən 2, 431 qram narkotik vasitə olan tiryək aşkar olunaraq götürülüb. Həmçinin müəyyən olunub ki, onlar elə həmin gün zərərçəkənə məxsus bank kartından istifadə etməklə Xətai rayonu, M.Hadi küçəsində yerləşən mağazada ərzaq məhsullarına və spirtli içkilərə 219 manat xərcləyib. Faktla bağlı BŞBPİ-nin İstintaq və Təhqiqat İdarəsində cinayət işi başlanılıb, istintaq və əməliyyat-axtarış tərdbirləri davam etdirilir. Bu şəxslərin analoji cinayətlərdə əllərinin olub-olmadığı araşdırmalardan sonra məlum olacaq.
"Report" cibgirlərin oğurluqla əldə etdiyi plastik kart vasitəsilə mağazadan alış-veriş etmə görüntülərini təqdim edir.
R.Orlov və E.Paşayevin əməllərindən zərərçəkən başqa şəxslər varsa bu barədə BŞBPİ-yə və ya 012- 590- 68-24, 055- 299-90-99 nömrələrinə zəng vuraraq məlumat vermələri xahiş olunur.
