Yetkinlik yaşına çatmayan qızını zorlayan ata 1-ci instansiya məhkəməsinin hökmündən apellyasiya şikayəti verib.
AZXEBER.COM "ölkə.az”a istinadən xəbər verir ki, Cinayət Məcəlləsinin 150.3.3-cü (Seksual xarakterli zorakılıq hərəkətləri etmə; aşkar surətdə on dörd yaşına çatmayan şəxsə qarşı törədildikdə) maddəsi ilə məhkum olunan Hacıyev Nuşirəvan Hüseyn oğlunun məhkəmə prosesinin hazırlıq iclası Bakı Apellyasiya Məhkəməsinin hakimi Habil Məmmədovun sədrliyi ilə keçirilib. Təqsirləndirilənin anket məlumatları dəqiqləşdirilib.
Xatırladaq ki, ötən ilin dekabr ayında Bakı Ağır Cinayətlər Məhkəməsinin hökmü ilə qızına qarşı seksual xarakterli hərəkətlər edən Nuşirəvan Hacıyev 14 il müddətinə azadlıqdan məhrum edilib.
Onun işi üzrə zərərçəkmiş isə yetkinlik yaşına çatmayan doğma qızıdır. Ata N.Hacıyev qızına qarşı mütəmadi olaraq zorakı yolla seksual hərəkətlər etməkdə ittiham olunur.
Belə ki, N.Hacıyev məktəbdən gələn qızının paltarını dəyişdiyini görüb, ona qarşı seksual xarakterli hərəkətlər edib. Qız isə atasından qorxaraq bu barədə anasına heç bir söz deməyib.
Ancaq bir gün ata eyni əməli qızına qarşı törədərkən, həyat yoldaşı iyrənc hərəkətin şahidi olub və dərhal polisə məlumat verib.
