Bakı Sərnişinnəqliyyat Məhdud Məsuliyyəti Cəmiyyətindən anspress-ə verilən məlumata görə, hadisə səhər saatlarında qeydə alınıb.
Sabunçu rayonu, Bakıxanov qəsəbəsi, "Komsomolski" dairəsi adlanan ərazidə Mərdəkandan şəhərə gələn 100 saylı, "Daewoo" markalı, 10 TY 274 nömrə nişanlı avtobusla "Hyundai" markalı avtobus toqquşub.
Qəza nəticəsində sərnişin avtobusunda 4 sərnişin yaralanıb. Yaralılar xəstəxanaya yerləşdiriliblər.
Qeyd edək ki, qəzaya uğrayan "Hyundai" markalı avtobus Heydər Əliyev Beynəlxalq Aeroportuna məxsus olub.
