Bakıda kirayənişin ev sahibinin boğazını kəsdi - VİDEO

Bakının Xətai rayonu ərazisində bıçaqlanma faktı qeydə alınıb. Hadisə rayonun III Əhmədli küçəsi, ev 22 ünvanında baş verib. Həmin ünvanda kirayə yaşayan 1973-cü il təvəllüdlü Məlikov Mərdalı Şirəli oğlu ev sahibi 46 yaşlı Səfərov Telman Kamal oğlu ilə mübahisə edib. Mübahisənin sonunda Mərdalı əlində olan mətbəx bıçağı ilə ev sahibinin boğaz nahiyəsinə bir zərbə endirib. Ev sahibini yaralayan Mərdalı Məlikov könüllü olaraq polisə təslim olub.Qonşuların sözlərinə görə, ev sahibi Telman Səfərov içki alüdəçisi olub və sərxoş olduğu zamanlarda mübahisəyə can atırmış. Onların fikrincə, elə hadisə də məhz bu zəmində baş verib. Artıq faktla bağlı Xətai rayon polis idarəsində cinayət işi başlanılıb. Araşdırmalar davam edir.