Bir neçə dəqiqə əvvəl paytaxtın Heydər Əliyev prospektində dəhşətli yol nəqliyyat hadisəsi baş verib.
Virtualaz.org-un məlumatına görə, yüksək sürətlə hərəkət edən 10 GB 200 dövlət nömrə nişanlı “Nissan” markalı maşın işıq dirəyinə çırpılıb.
Prospektlə şəhər istiqamətinə hərəkətdə olan avtomobil “Azpetrol” yanacaq doldurma məntəqəsinin qarşısında idarəetməni itirib və işıq dirəyinə çırpılandan sonra iki hissəyə bölünüb. Maşında tək olan sürücü hadisə yerindəcə keçinib.
Əraziyə Dövlət Yol Polisinin əməkdaşları gəlib.
