Bakıda milli ordunun zabiti ilə yol polisi əlbəyaxa olub.
AZXEBER.COM criminal.az-a istinadən xəbər verir ki, bu gün metronun "Memar Əcəmi" stansiyasının yaxınlığında zabit özünə məxsus avtomobili park edib.
Yaxınlıqdakı polis əməkdaşı maşını həmin yerdə park etməyin qadağan edildiyinə dair xəbərdarlıq edib. Lakin ordu zabiti ona əhəmiyyət verməyib. Yol polisi isə evakuator çağıraraq hərbçinin avtomobilini cərimə meydançasına aparmaqla cəzalandırmaq istəyib. Elə bundan sonra baş leytenantla polis arasında münaqişə başlayıb.
Hərbçi maşını evakuatordan aşağı salmağı tələb edib, polis isə onun dediyini yerinə yetirməməyə çalışıb. Bir-birilərini söyüşlərlə təhqir ediblər. Sonra isə zabit istədiyinə nail olub. Maşını yol polisindən alaraq ərazini tərk edib.
