Azərbaycanda gənclərin ictimaiyyətlə əlaqələr sahəsində biliklərinin artırılması və bu sahədə peşəkar kadrların hazırlanmasına töhfə vermək məqsədilə “PR School” adlı yeni layihəyə start verilib.
AZXEBER.COM-un məlumatına görə, layihə “İrəli” İctimai Birliyi və “Hajizade Group” şirkəti tərəfindən birgə həyata keçirilir.Layihənin təqdimat mərasimində “İrəli” İctimai Birliyinin sədri Rauf Mərdiyev qeyd edib ki, layihəyə müasir dövrdə Azərbaycanda və dünyada ictimaiyyətlə əlaqələrə olan marağı, eləcə də ölkəmizdə bu sahənin mütəxəssislərinə ehtiyacı nəzərə alaraq start verilib.“Bizə gələn müraciətlərin çoxluğunu nəzərə alaraq ictimaiyyətlə əlaqələrlə bağlı layihəyə start verdik. Bu sahədə Azərbaycanda ixtisaslı kadr hazırlığı ilə məşğul olan təşkilatlar azdır və bu sahəyə töhfə vermək məqsədilə “PR School” layihəsini həyata keçirməyi qərara aldıq. Ümid edirik ki, bu layihə nəticəsində uğurlu bir iş ərsəyə gələcək”.R.Mərdiyev vurğulayıb ki, layihə çərçivəsində 25 gəncə ölkənin aparıcı, təcrübəli PR və marketinq üzrə mütəxəssisləri, eləcə də media nümayəndələri PR fəaliyyətinin incəlikləri, xüsusiyyətləri haqqında məlumat verəcək, mövzu ilə bağlı təlimlər keçiriləcək.“İki ay davam edəcək layihənin sonunda təlimləri uğurla bitirən iştirakçılara sertifikatlar təqdim olunacaq”.“Hajizade Group” şirkətinin rəhbəri Əli Hacızadə isə bildirib ki, Azərbaycanda bu sahədə mütəxəssislərə ehtiyac var, ancaq hazırda onların sayı azdır:“Məhz bunu nəzərə alaraq belə bir layihənin həyata keçirilməsinə təşəbbüs etdik. İnanırıq ki, gənclərin layihə çərçivəsində əldə edəcəkləri biliklər onların gələcək peşəkar həyatlarında mühüm rol oynayacaq”.
