Bakıda sürücüsüz taksilərin fəaliyyət göstərməsi ilə əlaqədar videogörüntülər yayılıb.
AZXEBER.COM xəbər verir ki, bu barədə görüntülər sosial şəbəkələrdə paylaşılıb.
Belə ki, izləyicilərdən biri şəhərin mərkəzində sürücü olmadan idarə olunan avtomobilin taksi fəaliyyətiylə məşğul olduğunu iddia edib.
Bəs, Azərbaycan Yerüstü Nəqliyyat Agentliyi (AYNA) tərəfindən bu cür avtomobillər ölkəyə gətirilibmi? Yaxud Bakıda sürücüsüz taksilər fəaliyyət göstərirmi habelə gələcəkdə bu istiqamətdə hansı işlərin görülməsi nəzərdə tutulur?
Məsələylə bağlı Azərbaycan Yerüstü Nəqliyyat Agentliyinin (AYNA) mətbuat katibi Tural Orucov AZXEBER.COM-a açıqlama verib.
O, saytımıza qısa cavab olaraq bildirib ki, sözügedən görüntülərdəki avtomobil taksi kimi fəaliyyət göstərmir:
"Sözügedən görüntülərdəki avtomobil taksi kimi qeydiyyatdan keçməyib".
Qeyd edək ki, mətbuat katibi Bakıda sürücüsüz taksilərin fəaliyyəti və gələcəkdə nəqliyyat xəttinə buraxılması barədə suallarımıza isə cavab verməyib.
Mikayıl Mirzəzadə
