Sumqayıt-Bakı yolunda, "Bakı" Peşəkar Futbol Klubunun qarşısında zibildaşıyan maşının aşması nəticəsində hazırda paytaxta giriş yolunda böyük tıxac yaranıb.
Bu barədəTrend-ə hadisə yerində olan şahidlər məlumat verirlər. Məlumata görə, zibildaşıyan maşın ilk öncə yolun ortasında maneəyə çırpılıb, sonra təxminən 200 metr getdikdən sonra yolun ortasında aşıb. Bir müddətdən sonra avtomobil yolun kənarına çəkilsə də, hazırda 3-4 kilometr uzunluğunda tıxac yaranıb. Yol polisi əməkdaşları tıxacın aradan qaldırılması üçün müvafiq işlər görürlər.
