Yollarda olan son vəziyyət “AvtoFM” radiosunun efirində açıqlanır.
Bakının mərkəzi küçəsi müvəqqəti bağlanır.
Bakı Şəhər İcra Hakimiyyətindən Nəqliyyat Nazirliyinin Nəqliyyatı İntellektual İdarəetmə Mərkəzinə verilən məlumata əsasən, Atatürk prospektinin Akademik Həsən Əliyev küçəsi ilə kəsişməsindən Məmməd Araz küçəsi ilə kəsişməsinə qədər olan hissəsində (Ayna Sultanova parkı istiqamətində) nəqliyyat vasitələrinin hərəkəti məhdudlaşdırılıb.
Ərazidə nəqliyyat vasitələrinin hərəkətinin məhdudlaşdırılması aparılan təmir işləri ilə bağlıdır. Hal-hazırda asflat örtüyünün dəyişdirilməsi üçün hazırlıq işləri gedir.
Sürücülərə alternativ olaraq Koroğlu Rəhimov küçəsindən istifadə etmələri tövsiyə olunur. Təmir işlərinin 2 gün ərzində yekunlaşdırılması planlaşdırılır.
Qeyd edək ki, Bakı şəhərinin yollarında olan son vəziyyətlə bağlı operativ məlumat hər 30 dəqiqədən bir 107.7 – “AvtoFM” radiosunun efirində açıqlanır.//oxu.az
