Polis hadisəni törədən şəxsin tapılması istiqamətində iş aparır.
Bakıda 32 yaşlı kişi klubda döyülüb.
AZXEBER.COM APA-ya istinadən xəbər verir ki, Səbail Rayon Polis İdarəsindən verilən məlumata görə, hadisə rayonun İstiqlaliyyət küçəsi 31/28-də yerləşən “Paralels” karaoke klubda qeydə alınıb.
Bakı şəhər sakini, 1982-ci il təvəllüdlü Amil Alim oğlu Orucov aralarında yaranan münaqişə zəminində Emil adlı şəxs tərəfindən döyülüb.
Hazırda polis hadisəni törədən şəxsin tapılması istiqamətində iş aparır.
