"Bakını sevməmək mümkün deyil. O, çox gözəldir. Burada gözəl tarixi abidələr var, müasir memarlıq nümunələri var. Şəhərimizin ən önəmli cəhəti təhlükəsizlikdir. Sutkanın istənilən vaxtında, hətta gecə də şəhərdə rahat gəzə bilirik. Xəzərin təkrarolunmaz qoxusu haqda danışmamaq mümkün deyil".
AZXEBER.COM xəbər verir ki, bu sözləri Day.Az saytına müsahibəsində "28 Cinema"-nın həmtəsisçisi, ölkədəki böyük PR şirkətlərindən birinin sahibi Rüfət Abbasov bildirib.
"Mən şəhərin mərkəzində böyümüşəm. Bizim evimiz "Vətən" kinoteatrının arxasında idi. Mənim üçün Bakı "Torqoviy" küçəsindən başlayır. Çünki həyatım orada keçib. Ancq bu müddət ərzində Bakı yaxşı istiqamətdə dəyişib. Bulvarımızı da çox sevirəm. Bu yaxınlarda Avropanın ən gözəl şəhərlərindən biri olan Luqanodan qayıtmışam. Orada da gölün kənarında kiçik bulvar var. Həmin bulvarda gəzərkən istər-istəməz Bakı bulvarı ilə müqayisə edirdim", - o əlavə edib.
