"BakuBus” MMC Azərbaycan Respublikası Nazirlər Kabinetinin 3 Aprel 2014-cü il tarixli 92 saylı qərarına əsasən Bakı Şəhər İcra Hakimiyyətinin tabeliyində yaradılıb. Bakı şəhərində sərnişinlərə avtobus nəqliyyatı sahəsində beynəlxalq standartlara uyğun xidmətin təşkili, bu sahənin müasir tipli nəqliyyat vasitələri ilə təchiz edilməsi, sərnişindaşımanın yerinə yetirilməsi zamanı texniki və ekoloji baxımdan təhlükəsizliyin təmin olunması məqsədi ilə…
Olundumu? 2 il il zaman kəsiyində buna nail ola bildikmi? Bu suallara cavab axtarmağa tələsməyək və qurumun tabeliyinindəki strukturlara və onların rəhbərlərinin iş prisiplərinə diqqət edək.
Ötən günlərdə "BakuBus” MMC.-nin rəhbərliyində təmsil olunan şəxslərin fəaliyyətsizliyi və bu işin öhdəsindən gələ bilmədikləri ilə bağlı mətbuatda konkret faktları özndə əks etdirən yazılar dərc olundu. Məsələn yazılarda qeyd olunurdu ki, "Bakubus” MMC-nin direktoru Məlik Nəcəfov və onun müavini Azər Qasımov şirkəti özləri istədiyi kimi idarə edirlər. Şirkətin əksər yüksək postları tutan işçiləri isə Azər Qasımovun yaxın qohumlarıdır.
Qaynarinfo.Az xəbər verir ki, ötən gün bizimxeber.az-da dərc olunan bir yazıda səslənən faktlar isə olduqca ürəkağrıdandır.
Prezident İlham Əliyev Bakı şəhərində nəqliyyat infrastruktrunun yaxşılaşdırılması və problemlərin köklü həll edilməsi üçün "Bakubus” MMC yaratdı. Üstəlik bu MMC üçün milyon manatlar ayrıldı, yüksək səviyyəli xidmət təşkil olundu, bahalı avtobuslar gətirildi, hətta açılışa prezident özü getdi. Amma indi nə baş verir? "Bakubus” MMC-ni Azər Qasımov necə idarə edir? Dövlətin əmlakı bu MMC-də necə talanır?
"Bakubus” MMC-nin balansında 306 ədəd təzə avtobus var. Bu avtobuslar 450 min avroya alınıb və dünya standartlarına tam cavab verir. Bəs bu avtobusların neçəsi işlək vəziyyətdədir? Onları yararsız hala salanlar kimdir? Niyə belə edirlər?
Yazıda qeyd olunur ki, "Bakubus” MMC və «TəmizPro» klininq və Original Motors şirkətləri ilə müqavilə şəklində işləyir. Yəni, "Təmiz PRO” avtomobillərin təmizliyi ilə yanaşı MMC-nin həyət və ofislərinin təmizlik işlərini həyata keçirir. Original Motors isə avtomobillərin təmiri ilə məşgul olur.
Amma olursa…
Məlumata görə, "Təmiz PRO” klininq şirkəti "BakuBUS”MMC-də müavinlərdən biri olan Rauf Qarayevin qardaşına məxsusdur. Şirkətin hesabatlarında avtomobillərin təmzilənməsində xarici ölkələrdən alınan təmizləyici vasitıələrdən istifadə yazılsa da əslində elə deyil.
Avtomobillər olduqca keyfiyyətsiz məhsullarla təmizlənir, dərmanlanır. Həmçinin bu sürgülər belə bahalı avtomobillərin oturacaqlarının tez bir zamanda sıradan çıxmasına gıətirib çıxarır. Nəticədə isə milyonlar silinir. Bu barədə yaxın günlərdə konkret rəqəmlər təqdim edəcəyik.
Təəssüflər olsun ki, bu hələ hamısı deyil. Şirkətdəki mənbədən daxil olan daha acınacaqlı məlumat isə avtomobillərin təmiri zamanı baş verir.
Yəni ki, "Original Motors” şirkəti ilə MMC-nin rəhbərliyi arasında daxili anlaşma belədir. Bu da hamısı deyil. Daha bir məlumata görə isə, təmir mərkəzinin arxasında təzə, amma artıq istifadəyə yararsız vəziyyətə salınmış 10-larla avtobus gizlədilir. Bunun də maraqlı səbəbləri var. Belə ki, "Original Motors" şirkəti təmir zamanı yararsız ehtiyyat hissəsini çıxarıb yeni ilə əvəz etməlidir. Yenisi isə alınmır. Əvəzində təzə avtomobilin ehtiyyat hissəsi çıxarılıb diğər avtobusun üstünə qoyulur. Beləliklə yeni avtobuslar yararsız hala salınır. Nəticədə isə yeni ehtiyyat hissəsi almaq adı ilə rəsmiləşdirilib pullar silinir.
Məlumata görə, bu avtomobillərin sığortası adı altında da milyonlar qazanan şəxslər var.
Göründüyü kimi, yazıda çox ciddi faktlar səslənir və huquqi araşdırmalar tələb edir.
Biz də öz növbəmizdə araşdırmalarımızı davam etdirəcəyik.
