İndoneziyanın Bali adasında istirahətdə olarkən zəhərlənən Rusiya vətəndaşı komada keçirdiyi 22 gündən sonra həyatını itirib.
AZXEBER.COM xarici mətbuata istinadən xəbər verir ki, yerli şərabdan istifadə edən qdının qısa müddət sonra vəziyyəti pisləşib və onda qıcolmalar, ürəkbulanma müşahidə olunub, daha sonra isə huşunu itirib.
Xəstəxanaya çatdırıldıqdan sonra həkimlər onun metanol zəhərlənməsi keçirdiyini müəyyən ediblər.
Müalicə müddətində iki dəfə aparılan müayinələr beyin qan dövranının tam dayanmasını göstərib. Həkimlərin uzunmüddətli mübarizəsinə baxmayaraq, xəstənin həyatını xilas etmək mümkün olmayıb.
Məlumata əsasən, son iki həftə ərzində ailə onu Rusiyaya təxliyə etməyə çalışsa da, bu mümkün olmayıb. Xəstəxana xərcləri 2 milyon rubldan çox olub, meyitin vətənə gətirilməsi üçün isə əlavə maliyyə toplanmasına başlanılıb.
Hadisə ilə bağlı ikinci ölüm faktının qeydə alındığı bildirilir və bu, Baliyə səfər edən turistlər arasında ciddi narahatlıq yaradıb.
Aysel
