İspaniyanın "Barselona" klubu yay transfer dönəmində heyətini gücləndirməyi planlaşdırsa da, Viktor Qyökereş və Aleksander İsak transferindən vaz keçib.
AZXEBER.COM xarici mediaya istinadən xəbər verir ki, katalon təmsilçisinin idman direktoru Deku bu iki hücumçunun transferini zəruri hesab etmir.
O, komandanın əsas qol silahı kimi Robert Levandovskinin qalmasını üstün tutur.
İspaniya təmsilçisinin polşalı forvardın müqaviləsini avtomatik uzatma variantından yararlandığı və onun komandada qalacağı bildirilib. Bu addım "Barselona"nın hücum xəttinə böyük investisiya qoymaq niyyətində olmadığını göstərir.
Katalonlar əsas diqqətini sol cinahı gücləndirməyə yönəldib və bu mövqedə prioritet hədəf kimi "Liverpul"un ulduzu Luis Diaza fokuslanıb. Lakin kolumbiyalı futbolçunun yüksək qiyməti transferi çətinləşdirir.
Klub digər alternativ kimi Conatan Devidi nəzərdən keçirsə də, "Barselona"nın konkret maraq göstərməməsi səbəbindən kanadalı hücumçunun Premyer Liqaya keçidi daha real görünür.
