İspaniyanın "Barselona" klubu İngiltərə "Arsenal"ının hücumçusu Qabriel Jesusun transferi üçün mübarizəyə qoşulub.
"Mundo Deportivo" xəbər verir ki, Kataloniya təmsilçisi 29 yaşlı braziliyalı futbolçunun keçidi ilə bağlı artıq danışıqlara başlayıb.
"Barselona"nın əsas hədəfi uzun müddət Xulian Alvares olsa da, Madrid "Atletiko"su hücumçunu Kataloniya klubuna satmaqdan imtina edib. London təmsilçisi isə transfer pəncərəsi bağlanana qədər forvardla yollarını ayırmağa hazırdır. Daha əvvəl İtaliyanın "Napoli" klubunun da bu keçiddə maraqlı olduğu bildirilirdi.
Qeyd edək ki, Q.Jesus 2022-ci ilin yayından "Arsenal"da çıxış edir. Onun klubla müqaviləsinin müddəti 2027-ci ilin yayına qədərdir.
///report///
