Gənclər və İdman Nazirliyi (GİN) və İctimai Teleradionun birgə təşkilatçılığı ilə “9 noyabr-Dövlət Bayrağı günü”nə həsr olunmuş “Bayraq Festivalı” keçirilib.
Tədbirdə çıxış edən GİN-in vətənpərvərlik və vətəndaşlıq tərbiyəsi sektorunun müdiri müdiri Əli Məmmədov bildirib ki, Azərbaycanda ilk dəfədir belə festival keçirilir. Gələcəkdə “Bayraq festivalı” daha geniş şəkildə, Azərbaycanın digər şəhər və rayonlarında da təşkil olunacaq. Festival çərçivəsində bayraq şəkilləri müsabiqəsi də keçiriləcək və 3 qalib elan olunacaq. Məqsəd gənclərdə bayrağa və digər dövlət atributlarına sevgini artırmaqdır.
