Bakı şəhərində yerləşən daha bir ali təhsil ocağında metro olacaq.
Bakı Metropolitenindən Milli.Az xəbər portalına verilən məlumata görə, Azərbaycan Texniki Universitetinin tələbələri metrodan çıxıb, əlavə yol qət etməyəcəklər.
Metronun “Elmlər Akademiyası” stansiyasının daha bir çıxışı həmin universitetin həyətində tikiləcək. Sözügedən çıxışın tikilməsi təhsil ocağına gediş-gəlişin rahat olmasına şərait yaradacaq.Tikinti işlərinə artıq start verilib. İşlərin 2013-cü ilədək başa çatdırılması planlaşdırılır.Onu da əlavə edək ki, “Elmlər Akademiyası” stansiyasının digər çıxışları Bakı Dövlət Universitetinə aparacaq.Bakı Metropolitenin 23 stansiyası mövcuddur.
