Uzunluğu 65 metr, eni 40 metr olan meydançada hündürlüyü 2,20 metr, uzunluğu 5 metr olan qapılar qurulub, meydançanın qazonu təmir olunub. Meydançanın yaxınlığında uşaqların paltarlarını asmaq üçün asılqan düzəldilib. Meydançada oynayan uşaqlar tola da təmin olunublar.
Meydançanın inşasında yaxından iştirak edən kənd gənclərindən komandalar formalaşdırılıb yarışlar təşkil edilib. Layihə kordinatoru Ülkər Kərimlinin verdiyi məlumata görə layihədə könüllü olaraq iştirak edən kənd uşaqları meydançanın inşasında həvəslə kömək göstəriblər.
Meydançanın inşasında ümumilikdə 15 nəfərdən artıq uşaq iştirak edib və meydançadan 70-dən artıq uşaq və yeniyetmə istifadə etməkdədir. Meydança gələcəkdə kəndlərarası uşaq və yeniyetmələrin yarışlarında istifadə olunmağa yararlıdır.
