Bərdə rayonunda müstəqil dövlətimizin memarı və qurucusu Heydər Əliyevin anadan olmasının 98-ci ildönümü münasibətilə rayon İcra Hakimiyyətinin başçısı Vidadi İsayev, YAP rayon təşkilatı, idarə, müəssisə rəhbərləri və partiya fəalları Ulu öndərin abidəsini ziyarət edib. Sonra Heydər Əliyev Mərkəzində Ulu öndərin həyat və fəaliyyətini əks etdirən eksponatlara baxış keçirilib.
Sonra Ulu öndər Heydər Əliyevin doğum günü münasibətilə Bərdə rayonunda ağacəkmə aksiyası keçirilib. Bərdə rayon İcra Hakimiyyətinin başçısı Vidadi İsayevin iştirak etdiyi aksiyada əsasən YAP Bərdə rayon təşkilatının fəalları, idarə-müəssisə rəhbərləri, rayonun fəal gəncləri, "ASAN Xidmət” əməkdaşları, könüllülər olmaqla 150 nəfər iştirak ediblər. Bərdə-Yevlax magistral yolunun kənarında yerləşən bu massivdə 700 ədəd müxtəlif növ ağac əkilib.
\Qafqazinfo.az
