“Beş müğənni çağırıb hərəsinə 3-4 min pul verirlər, onlar da qudurur“ - Rasim Balayev

MƏDƏNİYYƏT
15:32 28.06.2021
4292
Toyların keçirilməsi ilə bağlı hökümətin verdiyi qərar birmənalı qarşılanmadı.

Cəmiyyətin müəyyən hissəsi toy və nişan mərasimlərinin keçirilməsinə qoyulan qadağanın aradan qaldırılmasına alqışlasa da, bu qərara ürəkdən sevinməyənlər də var.

İkincilərin fikrincə, say məhdudiyyətinin tətbiq edilməsi onların arzusunda olduğu məclisinin keçirilməsinə imkan vermir.

Bəs görəsən, iki gəncin ömür yolunu birləşdirən məclislərdə 500-700 hətta bəzən 1000 nəfərin iştirakı bu qədər vacibdirmi?

Məsələ ilə bağlı Yenisabah.az-a danışan Xalq artisti Rasim Balayev toy məclislərinə bu qədər adamın yığılmasını yersiz hesab edib:

"Öz aramızdır, bizdə artıq toyun da, yasın da ağını çıxarmışdılar. Məsələn, toy edirdilər, 700-1000 nəfər qonaq dəvət edirdilər. Mən belə şeyləri öz gözümlə görmüşəm. İndi isə müəyyən qanunlar, qaydalar var. Düzdür. Bizim adət-ənənələrimiz var, amma bizlər əndazəni aşdıq. Fikrimcə, 150 nəfərlə toy etmək yaxşıdır. Biri var hər sənə salam verənə dəvətnamə paylayasan,  biri də var ən yaxınlarına. Toy etmək istəyənlər qohum-əqrəbasını, ən yaxın dostlarını yığsa elə 100-120 nəfər edir. Adamda guya nə qədər qohum-əqrəbası olur ki?”

Aktyor bu tip məclislərdə israfçılıq edənləri sərt şəkildə qınayıb:

"Bu günə qədər 700 nəfərin toyuna gedənləri də başa düşürəm. Başqalarının məclislərində iştirak ediblər, indi də onları öz məclislərində görmək istəyirlər, amma nə etmək olar? Bu Allahın bir bəlasıdır, bunu nəzərə almaq  lazımdır. Bu yaxınlarda mənim bir dostum vəfat etdi, tanınmış biri idi, ad çəkmək istəmirəm. Mən  özüm heç onun yasına gedə bilmədim, çünki pandemiyaya görə ailəsi dedi ki, gəlməyin. Cəmi 5 nəfər aparıb onun meyitini yuduzdurub, dəfn edib sonra da dağılışdılar. Normal vaxtda olsa idi onun cənazəsinə 5 yox 5000 nəfər qatılardı, o qədər tanınmış, hörmətli adam idi. Bu bütün dünyada belədir. Hətta çox ölkələrdə qadağalara gedirlər. 150 nəfərlə toy etmək, vallah, yaxşıdır. Yoldan keçən hər kəsi çağırmaq da düzgün deyil. Mən Şüvəlanda yaşayıram, burada bir nəfər var hər gördüyü adama bir dəvətnamə verir. Hər şeyin həddi var. Bizdə bir az da özünü göstərmək xəstəliyi var. İnsanların bəzisi düşünür ki, əmim oğlunun toyunda 700 nəfər oldu, məndə qoy 1000 olsun. Bununla fəxr edən insanlar var, inanın. Çox mənasız şeylərdir. Beş müğənnini çağırıb hərəsinə 3-4 min manat pul verirlər, onlar da qudururlar. Nolub?  Nə xəbərdir? Bax belə şeylər edib əndazəni aşmışdıq.Vaxtilə bir toyda iştirak etmişdim, toy yiyəsi əlində pul kisəsi dayanmışdı, bir-bir müğənnilər çıxıb oxuyurdu, düşürdü, o da həmin kisədən onlara pul paylayırdı. Bu nədir axı? Konsert salonudur? Bir müğənni oldu kifayət edir. Toyxanalarda musiqinin səsindən oturmaq olmurdu, adamın başı gedirdi”.

OXŞAR XƏBƏRLƏR

ƏN SON XƏBƏRLƏR

10:35 24.09.2021

"İkinci Qarabağ müharibəsi Azərbaycanın hərbi gücünü əyani nümayiş etdirdi"

10:33 24.09.2021

Qəbələdə toy mərasimində karantin qaydalarının pozulduğu aşkarlandı

10:29 24.09.2021

İlham Əliyev: "Ermənistanın mümkün müharibə ilə bağlı öz fəaliyyət planı var idi"

10:26 24.09.2021

Kəlbəcərdə itkin düşən çobanlardan üç aydır xəbər yoxdur: Müdafiə Nazirliyi axtarışlara qoşuldu

10:16 24.09.2021

Prezident “Dəmir yumruq” ifadəsinin necə yarandığını açıqlayıb

10:07 24.09.2021

Musa Yaqubun qəbirüstü abidəsinin hazırlanmasına başlanılıb

10:06 24.09.2021

Bakıda tıxac olan yolların SİYAHISI

09:55 24.09.2021

Azərbaycan ilk dəfə məhkumların xaricdəki əmlakını müsadirə etmək istəyir

09:36 24.09.2021

Niderlandda 12 yaşlı oğlan peyvənd olunmasına icazə verməyən atasına məhkəmədə qalib gəldi

09:15 24.09.2021

Sabah gücləndirilmiş dezinfeksiya işləri aparılacaq

09:07 24.09.2021

İranın XİN rəhbəri: "Azərbaycanla münasibətlərin inkişafında maraqlıyıq"

03:00 24.09.2021

Dövlət başçısı: "BMT Təhlükəsizlik Şurasının bəzi qətnamələri bir neçə gündə icra edildiyi halda, bizə gəldikdə 27 il icra olunmamış qaldı"

02:53 24.09.2021

Prezident: "Zəngəzur dəhlizi regionumuz üçün yeni imkanlar yaradacaq"

02:49 24.09.2021

Dövlət başçısı: "Ermənistan transsərhəd Oxçuçay çayını kəskin şəkildə çirkləndirir"

02:48 24.09.2021

İlham Əliyev: "Azərbaycanda artıq Dağlıq Qarabağ adında inzibati ərazi vahidi yoxdur"

02:46 24.09.2021

İlham Əliyev: "Azad olunmuş ərazilərin 7 200 meqavat günəş enerjisi və 2 000 meqavat külək enerjisi potensialı var"